Syuzanna Melqonyan - Mernel Sirelov (2022)

Lyrics and music by Charles Aznavour
Translated by: Samvel Gasparyan

Պատերով կյանքի վեր մագլցելիս,
Ախ, սահում եմ ցած, ես սիրելիս,
Որ գնամ իմ ճանապարհով՝
Մեռնել սիրելո՜վ։

Շուրջ բոլորն ինձ հալածում են,
Ինչ էլ անեմ՝ ես մեղավոր եմ,
Ու միայն մի ելք ունեմ՝
Մեռնել սիրելո՜վ։ 

Մեռնել սիրելո՜վ,
Խավարին փարվել հոժար իմ կամքով,
Հատուցել սիրուն կյանքի գնով,
Մեղանչել մարմնով, երբեք, երբեք՝ հոգով։

Թող բոլորն ապրեն իրենց հոգսերով, 
Չար ու նենգ մարդիկ գերի թող լինեն, 
Սին, ունայն իրենց մտքերին, 
Մեռնել սիրելո՜վ։

Եթե չի կարող մեր սերը ապրել,
Պետք է կյանքի այդ էջերը փակել,
Սերը բայց հանկարծ, չայրե՜լ,
Սիրելով մեռնել։

Կեցվածքով հպարտ թողնել հեռանալ,
Տանուլ տված սիրուց հաղթող դուրս գալ,
Քարտերը բոլոր խառնել`
Սիրելո՜վ մեռնել։

Սիրելո՜վ մեռնել,
Որպեսզի ոչինչ ինձ հետ չտանեմ,
Որ ամեն ինչ անցյալյում ես թողնեմ, 
Վերցնեմ միայն պատկերը քո ու սերը մեր:

Դու գարուն, իսկ ես աշուն եմ,
Դու ինձնով արբում, իսկ ես տրվում եմ:
Ու հիմա, դատապարտված եմ ես՝ 
Մեռնել սիրելո՜վ,
Մեռնել սիրելո՜վ,
Մեռնել սիրելո՜վ։