Mankakan Hayrenasirakan Erg (2022)

ՄԱՆԿԱԿԱՆ ՀԱՅՐԵՆԱՍԻՐԱԿԱՆ ԵՐԳ

Խոսքերը՝ ՄԱՐԻՆԵ ԴԱՎԹՅԱՆԻ
Երաժշտությունը՝ ՀՌԻՓՍԻՄԵ ԽՐԻՄՅԱՆԻ
Կատարումը՝ ԷԴՈՒԱՐԴ ՊԵՏՐՈՍՅԱՆԻ
Գործիքավորումը՝ ԱԲՐԱՀԱՄ ՉԱՄԻՉՅԱՆԻ
Ձայնագրությունը՝ ԱԶԱՏ ՄԽԻԹԱՐՅԱՆԻ
Տեսաերիզը՝ ՀԵՔԻԱԹ TV

ԵՍ ԶԻՆՎՈՐՆ ԵՄ ԻՄ ԵՐԿՐԻ

Ես զինվորն եմ իմ երկրի,
Հա՛յ եմ ես,
Մարտիկն եմ քա՛ջ, ամեհի,
Հա՛յ եմ ես,
Դարերով եմ վեր պահել
Դրոշս, տե՛ս,
Ահելներից էլ ահել
Ազգն եմ ես։
Երեք հազար տարիներ
Գենս իմ,
Չի խառնվել, չի ձուլվել
Օտարին,
Հայոց լեզուս առանձին
Ճոխ մի ճյուղ,
Դավանանքս իր հերթին,
Ջոկ մի շյուղ։

Կրկներգx2
Ես զինվորն եմ իմ երկրի,
Հա՛յ եմ ես,
Մարտիկն եմ ի՛մ Եդեմի,
Քա՛ջ եմ ես,
Չի՛ ծնկի իմ ազգը հար, 
Իմացե՛ք, 
Աստծո պատժից դուք միայն
Վախեցե՛ք։

Գեներալներ ենք տվել
Անհամար,
Բոլորից շատ գրողներ,
Գիր ու տաղ,
Տասնյոթ հազար անուն գիրք
Պահպանում,
Թանգարաններն աշխարհի
Մեզ օրհնում։
Գերպետություն ենք եղել
Մենք անխոս,
Հյուսիսային Կովկասից՝
Եգիպտոս,
Կիպրոսից՝ Միջին Ասիա
Տարածված,
Մասիս սարը մեր հսկա
Սրբացված։

Կրկներգx2
Ես զինվորն եմ իմ երկրի,
Հա՛յ եմ ես,
Մարտիկն եմ ի՛մ Եդեմի,
Քա՛ջ եմ ես,
Չի՛ ծնկի իմ ազգը հար, 
Իմացե՛ք, 
Աստծո պատժից դուք միայն
Վախեցե՛ք։

Իմ արյունը հոսում է
Ազգերում,
Հայ սփյուռքը հզոր է,
Անկոտրում,
Ի՛մ երկիր սրբացված՝
Նաիրյան,
Միլիոն ու կես սպանված՝
Սուրբ դարձան։

Կրկներգx2
Ես զինվորն եմ իմ երկրի,
Հա՛յ եմ ես,
Մարտիկն եմ ի՛մ Եդեմի,
Քա՛ջ եմ ես,
Չի՛ ծնկի իմ ազգը հար, 
Իմացե՛ք, 
Աստծո պատժից դուք միայն
Վախեցե՛ք։

ԱՍՏԾՈ ՊԱՏԺԻՑ ԴՈՒՔ ՄԻԱՅՆ
ՎԱԽԵՑԵՔ։